ထိနမိဒ္ဓကို ပယ်ဖျောက်ပုံ

ထိနမိဒ္ဓကို ပယ်ဖျောက်ပုံ

တရားထိုင်ရာတွင် အိပ်ငိုက်လို့ သမာဓိမရနိုင်ဖြစ်နေပါတယ်၊ ထိနမိဒ္ဓကို ဘယ်လိုပယ်ရမလဲဟူုသော မေးခွန်းအရ-

အင်္ဂုတ္တရနိကာယ် သတ္တနိပါတ် ပစလာယမာနသုတ်တွင် မြတ်စွာဘုရား ဟောကြားထားသော ထိနမိဒ္ဓကို ပယ်ဖျောက်ခြင်းအကြောင်းတို့မှာ

၁။ အိပ်ချင်ငိုက်မျည်းခြင်း၏အကြောင်းဖြစ်သော အမှတ်သညာကိုပယ်ခြင်း၊

၂။ တရားကျမ်းဂန်ကို ဆင်ခြင်ခြင်း၊

၃။ တရားစာကို ရွတ်ဖတ်ခြင်း၊

၎။ နားနှစ်ဖက်ကို ဆွဲခြင်း၊ ကိုယ်ကိုလက်ဖြင့်ပွတ်သပ်ခြင်း၊

၅။ မျက်နှာသစ်ပြီး ထိုထိုအရပ်ကို ကြည့်ရှု့ခြင်း၊ ကြယ်တာယာတို့ကို မော်ကြည့်ခြင်း၊

၆။ အရောင်အလင်းတွင် အမှတ်သညာကို နှလုံးသွင်းခြင်း၊

၇။ စင်္ကြလျောက်ခြင်း၊ တို့ဖြစ်သည်။


BY-ASHIN SUMANGALA

မောဟဟူသည် အဘယ်နည်း။

မောဟဟူသည် အဘယ်နည်း။

လူတို့သည် လောဘနှင့်ဒေါသကို ထင်ရှားသောကြောင့် တွေးဆသိကြ၏။ မောဟကို မသိသဖြင့် ရှင်းပြရန် ပြောဖူးကြသည်။ မောဟဟူသည် တွေဝေတတ်၏။ အမှန်ကိုမသိဘဲနှင့် အမှားကိုသာ သိတတ်သောသဘောသည် မောဟဖြစ်သည်။

မောဟကြောင့်ပဲ စိတ်မှာဥာဏ်အမြင်တွေ ကန်းနေကြတယ်။ အမှန်ကို မသိနိုင်ကြဘူး။ ဥပမာ- နှစ်သက်ဖွယ်မဟုတ်သော ခန္ဓာကြီးကို စက်စုပ်ဖွယ်ရာဖြစ်ပါလျက်နှင့် နှစ်သက်ဖွယ်ရာကောင်းတယ်လို့မသိသူတွေက ပြောကြတယ်။ ကျင်ကြီးကျင်ငယ်စတဲ့ အပုပ်အမျိုးမျိုးတွေနဲ့ ပြည့်နှက်နေတဲ့ ဒီခန္ဓာကိုယ်ကို ပညာမျက်စိနဲ့မမြင်နိုင်တော့ လှပါတယ် ချောတယ်လို့ သတ်မှတ်ပြောဆိုကြတယ်။

အမှန်အတိုင်း အရှိတရားအတိုင်းကို ထိုးထွင်းပြီးတော့ မသိနိုင်တော့ဘူး။ အဲ့လိုမသိအောင် အာရုံရဲ့သဘောအမှန်ကို မောဟက ဖုံးကွယ်ထားတယ်။ မောဟကြောင့်ပဲ သတ္တ၀ါတွေဟာ တစ်သံသရာလုံး ဥာဏ်အမြင်တွေ ပိတ်ဖုံးပြီးတော့ အမှားတွေကြီးပဲ မြင်ကြတယ်။ မသင့်မတော်တာတွေကို တွေးတယ်၊ ကြံတယ်၊ ပြောဆိုတယ်၊ ပြုလုပ်ကြတယ်။ ဒါကြောင့် မောဟဆိုတာ အကုသိုလ်အားလုံးတို့ရဲ့ မူလအရင်းအမြစ်ကြီးပါ။

မောဟဆိုတာ တွေဝေတာ၊ ဘယ်လိုတွေဝေတာလဲ။ မိန်းမောတွေဝေနေတာလားဆိုတော့ မဟုတ်ပါဘူး။ တွေဝေတယ်ဆိုတာ အမှန်အတိုင်းမသိတာကို ဆိုလိုတာပါ။ အနိစ္စအစရှိတဲ့ သဘောအမှန်ကို နိစ္စမြဲတယ်လို့ အလွဲအမှားကိုသိသလိုမျိုး ပကတိသိနေကြအတိုင်း သိနေတာတွေဟာ မောဟရဲ့အစွမ်းတွေဖြစ်ပါတယ်။ ပုထုဇဉ်တွေအားလုံး အနိစ္စ ဒုက္ခ အနတ္တတို့ကို ပကတိသိနေကြအတိုင်း နိစ္စ သုခ အတ္တ၊ မြဲတယ် ချမ်းသာတယ် အစိုးရတယ်လို့ မှားယွင်းစွာ သိနေကြတာဟာ မောဟပဲဖြစ်ပါတယ်။

BY-ASHIN SUMANGALA

လောကမှာ လူသေရင် ၀ိညာဉ်လိပ်ပြာ အိမ်မှာ(၇)ရက်နေတယ်ဆိုတာ ဟုတ်မဟုတ်။

လောကမှာ လူသေရင် ၀ိညာဉ်လိပ်ပြာ အိမ်မှာ(၇)ရက်နေတယ်ဆိုတာ ဟုတ်မဟုတ်။

လူသေသွားရင် ၀ိညဉ်လိပ်ပြာ အတ္တကောင်ဟာ တဘ၀ကနေ

တဘ၀ကို မပျက်မစီးပဲ ပြောင်းရွေ့ကြင်လည်နေတယ်လို့ ယူဆရင်

သဿတဒိဋ္ဌိဖြစ်ပါတယ်။သေရင် ဘာမှမရှိတော့ဘူး ပြတ်စဲသွားတယ်လို့

ယူဆရင် ဥစ္ဆေဒဒိဋ္ဌိဖြစ်ပါတယ်။ ဥပမာ-

လူတယောက်ဟာ ဘုရားတည်ကျောင်းဆောက်စတဲ့

ကုသိုလ်ကောင်းမှု့တွေကို ပြုလုပ်တယ်။ ဒီကောင်းမှု့တွေကြောင့် ငါသေရင်

ငါပဲအကျိုးခံစားရမှာပဲလို့ ယူဆရင် သဿတဒိဋ္ဌိဖြစ်ပါတယ်။ ဘာကြောင့်

သဿတဒိဋ္ဌိဖြစ်ရတာလဲဆိုရင် ကောင်းမှု့ပြုတာကတစ်ယောက်

အကျိုးခံစားရတာက တစ်ယောက်ဖြစ်နေလို့ပါပဲ။

ဒါဖြင့် ကုသိုလ်ရဲ့အကျိုးကို ငါကိုယ်တိုင် မခံစားရပဲ

တခြားတယောက်က ခံစားမယ်ဆိုမှတော့ ငါကုသိုလ်မပြုတော့ဘူးကွာ၊

မကောင်းမှု့တွေပဲ လုပ်တော့မယ်၊ ငါလုပ်တဲ့မကောင်းမှု့ကို

တစ်ခြားတစ်ယောက်က ခံစားရမှာပဲလို့

ယူဆပြန်ရင်လဲဥစ္ဆေဒဒိဋ္ဌိဖြစ်သွားပြန်တယ်။ ဘာကြောင့်လဲဆိုတော့

ကိုယ်လုပ်တဲ့အပြစ်တွေကို ကုိုယ်ကိုယ်တိုင်ပဲ ပြန်ပေးဆပ်ရမှာပဲ၊ ပြန်ခံစားရမှာပဲ။

ဒီတော့ နောက်ဘ၀လဲ ငါကိုယ်တိုင်ပဲလို့ ယူဆရင်လဲ သဿတဒိဋ္ဌိ၊

တစ်ခြားတစ်ယောက်လို့ ယူဆပြန်ရင်လဲ ဥစ္ဆေဒဒိဋ္ဌိဆိုတော့

ဒီအစွန်းနှစ်ပါးကနေလွတ်အောင် ဘယ်လိုဖြေရှင်းမလဲဆိုရင်။

ဦးဘဆိုတဲ့လူတယောက်ဟာ မသေခင် ကုသိုလ်ကောင်းမှု့တွေ

အများကြီးပြုခဲ့ရလို့ သေတဲ့အခါ နတ်ဖြစ်ရတယ်ဆိုပါဆို့။

ဒီဘ၀က ဦးဘရဲ့

ခန္ဓာကိုယ်ကြီးကလဲ ဒီဘ၀မှာတင် ပုပ်သွားတယ်။ စိတ်ကလဲ ဒီဘ၀မှာတင်

ချုပ်သွားတယ်။ ဒီဘ၀ရုပ်နာမ် ဒီဘ၀မှာတင်ချုပ်တယ်။ နောက်ဘ၀ကို

မပါသွားပါဘူး။ နာမ်က ၀ိညဉ်အဖြစ်နဲ့ နောက်ဘ၀အထိ ပါသွားတယ်ဆိုရင်

ဒီဘ၀ကဦးဘရဲ့စိတ်နဲ့ နတ်ဘ၀ကနတ်ရဲ့စိတ် တူညီရမှာပေါ့။ အခုတော့

နတ်ဘ၀မှာ နတ်ရဲ့စိတ်ကတစ်ခု၊ ဦးဘရဲ့စိတ်ကစိတ်တစ်ခုလေ။

အဲ့ဒီဦးဘက ကုသိုလ်ကောင်းမှု့တွေ မပြုပဲ

မကောင်းမှု့ဒုစရိုက်တွေပဲပြုသွားလို့ သေတဲ့အခါ ခွေးဖြစ်ရတယ်ဆိုပါဆို့။

ဒီဘ၀က ဦးဘရဲ့စိတ်ကလူ့စိတ်လေ။ ခွေးဘ၀က ခွေးစိတ်က

သတ်သတ်လေ။ မတူဘူးနော်။ စိတ်ဝိဥာဏ်က နောက်ဘ၀ထိအောင်

လိုက်သွားတယ်ဆိုရင် ခွေးက ဘယ်မစင်စားပါ့မလဲ။ဒါကြောင့်

ဒီဘ၀ရုပ်နာမ်က ဒီဘ၀မှာပဲချုပ်ပြီးတော့ နောက်တဘ၀မှာ

ရုပ်နာမ်အသစ်ပြန်ဖြစ်ပါတယ်။

သေပြီးရင် အိမ်မှာလိပ်ပြာဝိညာဉ်အဖြစ်နဲ့ (၇)ရက်နေတယ်ဆိုတာ

မဟုတ်ပါဘူး။ စုတိစိတ်လို့ခေါ်တဲ့ သေတဲ့စိတ်နဲ့

ပဋိသန္ဓေ၀ိဥာဏ်စိတ်လို့ခေါ်တဲ့ တဖန်ဘ၀သစ်ပြန်စတဲ့စိတ်က

တစ်ဆက်ထဲဖြစ်ပါတယ်။ စုတိနဲ့ပဋိသန္ဓေကြားမှာ အခြားမရှိပါဘူး။

အနန္တရပစ္စည်းနဲ့ ကျေးဇူးပြုပါတယ်။ ဆိုလိုတာက သေတဲ့အခါမှာ

ကုသိုလ်ကောင်းမှု့အားကောင်းရင်

နတ်ဘ၀လူ့ဘ၀ ကောင်းတဲ့ဘ၀တခုခုမှာ အမိဝမ်းတွင်းမှာ

ပဋိသန္ဓေ၀ိဥာဏ်စိတ်ဖြစ်ရပါတယ်။

အကုသိုလ်အားများရင်တော့ ခွေးဝက်အစရှိတဲ့အပါယ်ကိုယ်ကောင်တခုခုမှာ

ဝင်စားရပါတယ်။ ကြားခံဘ၀တစ်ခုဆိုတာ မရှိပါဘူး။

အိမ်မှာခြောက်လှန့်ကြတယ်ဆိုတာကတော့

အကုသိုလ်အားကြီးလို့ပဲဖြစ်ဖြစ် သေခါနီး

အကုသိုလ်စိတ်ဖြစ်ပြီး သေရလို့ပဲဖြစ်ဖြစ် အစွဲနဲ့သေရလို့

သားသမီးဇနီးခင်ပွန်းတွေအပေါ်မှာ စိတ်မချနိုင်ပဲ ပြိတ္တာဖြစ်ရတာပါ။

ကံအားလျော်စွာ ပြိတ္တာဘ၀မှာ (၇)ရက် ကြာချင်ကြာမယ်။

တစ်နစ်ကြာချင်ကြာမယ်။ ကျွတ်ချိန်တန်ရင် ကျွတ်လိမ့်မယ်။

ဒီဘ၀ကသေရင် တခြားတယောက်ထပ်ဖြစ်တယ်ဆိုတော့

အဲ့ဒီထပ်ဖြစ်တဲ့တစ်ယောက်ကရော ဘယ်ကလာတာလဲဆိုရင်

ဒီဘ၀ရုပ်နာမ်ကပဲ လာတာပါ။ သရက်စေ့ဘယ်ကလာ သရက်ပင်ကလာ။

သရက်ပင်ကကော ဘယ်ကဖြစ်တာလဲဆိုရင် သရက်စေ့ကဖြစ်တာပါပဲ။

ဆီမီးကူးညှိလိုက်သလိုပေါ့။ ကူးညှိလိုက်တဲ့ဆီမီးကသတ်သတ်၊

အရင်ရှိနေတဲ့ဆီမီးကသတ်သတ်။ ဒါဖြင့် နောက်ဆီမီး ဘယ်ကလာတာလဲ

အရင်ဆီမီးကလာတာပါ။ အတူတူလားဆိုတော့ သတ်သတ်စီပါ။

တံစိပ်တုံးရိုက်တဲ့အခါ တံစိပ်ရာကသတ်သတ်

တံစိတ်တုံးကသတ်သတ်။ တံစိတ်ရာဘယ်ကလာတာလဲဆိုရင်

တံစိပ်တုံးကလာတာ။ လူသေရင်လဲ ထပ်ဖြစ်တဲ့ သတ္တ၀ါက အရင်ဘ၀က

သတ္တ၀ါပဲလားဆိုရင် မဟုတ်ဘူး။သတ်သတ်စီ။

ဒါဖြင့် ထပ်ဖြစ်တဲ့သတ္တ၀ါဘယ်ကလာတာလဲဆိုတော့ အရင်ဘ၀က

ရုပ်နာမ်အစဉ်ကလာတာ။ အရင်ဘ၀နဲ့ဒီဘ၀ တစ်ယောက်ထဲလားဆိုတော့

မဟုတ်ဘူး သတ်သတ်စီ။ လူသေတဲ့အခါ ဒီဘ၀ရုပ်နာမ်

ဒီဘ၀မှာတင်ချုပ်ပြီးတော့ ကံသတ္တိအဟုန်က လိုက်နေတာ။

ဘယ်ကံတွေလဲဆိုတော့ အရင့်အရင်ဘ၀တွေက ပြုခဲ့တဲ့ကောင်းမှု့ကံ

မကောင်းမှု့ကံတွေ။ ဒါကြောင့် ကုသိုလ်ကံ အကုသိုလ်ကံချုပ်ငြ်ိမ်းပြီးဖြစ်တဲ့

ဘုရားရဟန္တာတွေမှာ ကြိယာဗျာကတစိတ်ပဲရှိတယ်။ ဘ၀သစ်ရုပ်နာမ်

တဖန်ပြန်မဖြစ်တော့ဘူး။

သာမန်သတ္တ၀ါတွေမှာတော့ သေတဲ့အခါ

ရုပ်နာမ်တဖန်ပြန်ဖြစ်ရပါတယ်။ လိပ်ပြာကောင် အတ္တကောင်လို့မရှိပါဘူး။

သချို င်္င်းကနေ အိမ်ကို လိပ်ပြာခေါ်တယ်ဆိုတာ မှားယွင်းတဲ့

သဿတဒိဋ္ဌိဖြစ်ပါတယ်။

BY-ASHIN SUMANGALA